شبكة روشير للتنمية و الأعمال
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم ويشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.

شبكة روشير للتنمية و الأعمال

منتدى ودردشة زهرة كوباني wen be xer hatene ser forum Gula Kobani
 
الرئيسيةKOBANIمكتبة الصوربحـثالتسجيلزهرة كوبانيدخولtwitter
اهلا وسهلا بكم في منتدى كولا كوباني

شاطر | 
 

  رواية : بدون إسم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
EvinaKobani
مشرفة
مشرفة
avatar

انثى
المشاركات : 1660
العمر : 29
العمل/الترفيه : مساعدة الغير
المزاج : سوريا بلدي
تاريخ التسجيل : 19/08/2010

مُساهمةموضوع: رواية : بدون إسم   الأحد أغسطس 29, 2010 4:00 pm

بسم الله الرحمن الرحيم
راح ابدأ اكتب لكم روايه مفتوحه
وشخصياتها غير محصوره ابدا
ومواقفها وشخصياتها موجودين ويتنفسون وعايشين مثلنا مثلهم بس راح اتحفظ على الاسماء
باذن الله انقلكم حياتي وحيات اشخاااص كثير غالين علي وناس غيرهم كونوا بانتظاري
صعب اسمي حياتي او اقرنها باسم فخلوها بدون اسم ........
ريـــم
بما إني قلت لكم إن شخصياتي غير محصور فما يحتاج أحط تعريف بالشخصيات بالبداية خلوني أعرفكم على شخصياتي عن طريق مواقفي معاهم
خلاص إنا بأبدأ روايتي من أيام المتوسط طبيعي طفولتنا تكون حيل بريئه
علاقاتنا عمرها ما كانت لاي مصلحه وحتى لو كانت لمصلحه راح تلاقونها بريئه بريئه بما تعنيه الكلمه
طبعا اسم الشخصيه الاولى
سمـــــــــــــــــــــــــــــــــــر
سمر كانت بمدرسه حكوميه ومن لما خلضت الابتداي نقلها ابوها على مدرسه خاصه بسبب المواصلات واسباب اخرى
كانت سمر متعوده على البساطه والعفويه حيل حيل
وكانت مرحه بشكل واهي عايشه مع 6 اخوان واخت اصغر منها ب7 سنين
يعني البنت متربيه وسط شباب
يعني البنت دفشه شويه ....لا مو شويه دفشه ههههههه
كان اول يوم لها بالمتوسط
دخلت المدرسه والمسكينه دخلت من باب الابتدائي وقعدت واقفه تناظر في البنات وانصدمت المسكينه تشوف بنات لساتهم ماتعدوا رابع ابتدائي مسوين مشهد يالانقليزي
كانت وايد شاطره وطموحه
لكن حست باحباط وايد بالحكومي ما كانوا يعطوننا انقليزي ابد
على عهدنا احنا بس الحين لا صار فيه
تنحت سمر وعجبها المشهد وعرفت لها كم كلمه بس هي فهمت المغزى من المشهد وهي الفصول الاربعه
قربت منها وحده من الاستاذات وسالتها
الاستاذه : ليش داخله من هنيه هذ مو قسم المتوسط
سمر وهي قلبها طايح من الخوف ...<<مو اقول بريئين
سمر :طب كيف اروح للمتوسط
ابتسمت الاستاذه ودرت انها مضيعه :مري من عند المحاسبه سلوى وقولي لها دخلت اختي للابتدائي وتطمنت عليها وابي ادخل للمتوسط
ارتاحت لهاي الاستاذه وايد ....وخذت نفس وراحت للمتوسط ..... ودخلت للمتوسط وانصدمت من البنات طبعا المدرسه كانت قسمين واحد للابتدائي والاخر للثنوي والمتوسط مع بعض
شافت اشكال تحفه اللي بويه واللي كيوت واللي ايمو اشكال والوان منجد كان عالم غريب بالنسبه لها
رن الجرس وشافت البنات يصفون طابور والمسكينه صفت مع 3متوسط عبالها اولى
وشافتها وحده قالت: لها انت شكلك جديده والا انا غلطانه
ابتسمت لها وسالتها :ليه باين علي
البنت ضحكت بصوت عالي لدرجه انه وحده من المدرسات يات لهم وهزئتهم وقالت انت وش اسمك
سمر: سمر
قالت: انت 3 متوسط
قالت سمر ببرائه :لا بدري علي لساتي اولى
الاستاذه:تستهبلين انتي..... يانك تستهبلين ومسويه قويه باول يوم يا حبيبتي.. يا انك تكذبين
سمر :الحمدلله شالفرق الحين كلها قله ادب
الاستاذه :انت شكلك بتاخذين على الاداره من اول يوم
شمر :شحقه
الاستاذه :انت موتقولين انت اولى شموقفك مع 3
سمر طاح ويهها :بسيطه ما صار الا خير وهذا انا غير مكاني
الاستاذه :شقالوا لك دخول الحمام زي خروجه
سمر وهي تتكتف :الحين شالمطلوب مني
الاستاذه:تمشين معاي للاداره
سمر :قداام معاج يلا
راحت للاداره ودخلوا على المديره كان اسمها فاطمه والمساعده اختها واختها اسمها ريم
المديره :خير ان شاء الله وش فيه استاذه منيفه
منيفه >>الاستاذه:السالفه وما فيها ان الحلوه من اول يوم لها نازله ضحك دق حنك بالطابور ومسويه ازعاج ولا صافه بطابور غلط
سمر كانت ساكته وهاديه غير عن اللي جواتها بس
جاها سوءال من فاطمه :انت وش اسمك
سمر :اسمي سمر محمد ......
خلاص منيفه انا اشوف المشكله
طلعت منيفه
فاطمه :وش اللي سويتيه
سمر : ما سويت شي كل للي سويته اني وقفت بطابرو بالغلط وسالتني وحده ورديت عليها قلبت السالفه حنك ومادري شنو
فاطمه:انت أي صف
سمر :اولى متوسط
فاطمه: خلاص انتظري هنيه لين تجي المشرفه
وانتظرت سمر وانتظرت وانتظرت
لين جت المشرفه وسالتها :انت ليش برا وين فصلك
سمر وهي متملله :ما اعرف وينه
المشرفه :شلون ماتعرفينه تستهبلين والا وشو
سمر :اعرفج انا عشان امزح...... شهالمدرسه الخايسه
المشرفه:قله ادب والله .....من أي بيت انت طالعه
سمر :بيت مايتشرف اشكالج تدخله ...واوزني كلامج احسن
المشرفه :انت صدق ما تربيتي امشي قدامي يلا عند المديره
سمر :شحقه يعني شبتسوي توني راده منها
المشرفه:شين وقوات عين بس تدرين بتجين بتجين امشي
ودخلوا مره ثانيه وهي تاكل المسكينه
فاطمه :خير انسه نور شالسالفه ليش رديتيها لي
وقالت لها السالفه
فاطمه وهي رافعه حاجب وتناظر سمر بتفحص :سمعي انا بمشيها بمزاجي هالمره وماراح احط أي رده فعل ابد لكن اياني واياك تفكرين بس ان هالمره بتنعاد
سمر وهي مو عاجبها الوضع :يصير خير
فاطمه شنو يصير خير
سمر :شتبيني اقول
فاطمه وهي تبتسم بخبث :ان شاء الله
سمر بعناد : ايه يصير خير
وطلعت بدون أي اضافات
<<<<الحين سمر بجامعه نوره سنه تحضيري >>>>> الله يوفقها


يتبع

..
..
..
..
..
..
..
..
..
..
..
..
..
..
..
..
..
..
..
..
..
..

هذي الشخصية الثانية
الهنــــــــــــــــــــــــــــــــــــــــوف
خل نقول لكم باختصار عن الهنوف
اهي تصير بنت عم سمر بس اكبر عنها بسنتين وكم شهر
أما عن عائلتها فهي عايشه وسط خمس بنات وثلاث شباب
تحب اللعب والرقص خاصة والفرفشه وماتستغربون ابد من تصرفاتها لأنها دوم غريبة
ومن يومها وهي تحب اخو سمر ماجد
الهنوف شخصيه اجتماعيه درجه أولى وبسرعة تنحب
في اول يوم لها باول ثنوي
بس اهي الحين بجامعه الامام قسم دعوه مستوى ثالث كانت صديقتها الوحيده راسبه ب3 متوسط
فما كانت تعرف احد بس اختها شوق اكبر عنها بسنه وحده يعني بثاني ثنوي
شوق ما كنت تبي اختها تجلس بروحها فنادتها
شوق :هنوووف تعالي اعرفج على رفيجاتي
الهنوف قامت ورجها كانت منمله <<نايمه>>
قامت ويوم جت تمشي من عندهم ورصت على رجلها النايمه ما درت الا وهي على الارض
شوق تفشلت منها
نوف كانت وايد متفشله قالت بدريه : شوق شكل اختك تبينا احنا اللي نجيها بس لعيونها بس راح نجي احنا نسلم عليها
راحوا للهنوف وساعدوا وهي ميته من الفشله وتعرفوا عليها وحبوها لانها بسرعه تنحب


في المدرسة
سمــر
توها طالعه من الفصل قابلت البنت اللي سبق وتعرفت عليها بالطابور
البنت :سمر على ما اعتقد وإلا أنا ناسيه
سمر:لا صاجه أنا سمر
البنت :اهلين....أنا مشاعل
سمر :مرحبا بج
مشاعل بصوت عالي لصديقاتها :بنات أنا بقعد مع سمر
وصارت تأشر عليها عشان يعرفون من تقصد
كلهم ضحكوا ضحكه مالها مغزى بس سمر مشت الضحكه بمزاجها
مشاعل :من سموره من أي مدرسه
سمر : من مدرسه........ الحكوميه
مشاعل :ياهلا بك ب................
تعرفين احد هنا بهالمدرسه
سمر :لا والله معرف احد توني بثاني يوم
مشاعل :تقصدين ب3 اسبوع دراسي الله يسلمك
سمر : هههههههه بس انا مو مالوت دوام والله بس دافور اعجبج
مشاعل : ايه كذا يا بنت الناس كله بوزك شبرين .....انا من عرفتك ارتحت لك
خلصت الفسحه
ودخلت سمر الفصل
وكان عليهم انقليزي
دخلت عليهم الاستاذه وكانت سودانيه واسمها نفيسه وقالت :good morning students
ردوا جميع الطالبات الا سمر ماكنت تعرف بالانقليزي شي :good morning teatcher
وكان في وحده سودانيه اسمها مي سالتها سمر :شتقولون تو
مي بنظرات احتقار ما عجبت سمر مو ليه ابد :هذا احنا نعرفها مو انتم يا بنات الحكومي
سمر : عشتو ...ناظري جدامج لا صكج بمخمس الحين
وانتهت الحصه واليوم كله وما صار شي جديد عليها ولا تورطت باي مشاكل
والله يستر من الياي





في البيت
ماجد
هذا يكون اخو سمر اللي اكبر عنها ب3 سنين واهو بسن الهنوف بس هو اكبر عنها بـ 7شهور
فله وراعي بنات ومغازلجي حده مكالمات
إحنا بنبدا من لما كان ب 3 ثنوي لاني ماكنت اعرفه من لما كان ب 1 ثنوي
أما اهو الحين يدرس تمريض طب طوارئ وبقي له ترم وسنه امتياز ويبدا شغل يعني عمره 23 وكم شهر
ماجد مو من النوع اللي طاعته وايد اهو من النوع البيتوتي شوي ومجتمعه دوووم مع أصحابه ما يحب إن يكون محصور بعيال عمه زى اخوه عبدالله اللي دوم مجتمع بعيال عمه
وما كان حيل مهتم بدراسته
المهم
في يوم كانوا عيال خالته بيجون يتعشون عندهم بالبيت
والمسكين ما كانت عندهم خدامه وهم استقدموا وللحين ما جات الخدامه الجديده
وكان ثوبه اللي دوم يرتاح فيه وصخ راح حق سمر وقال هيه يا الحبشيه
سمر : ماراح ارد عليك
ماجد : لا نازل عليج العقل هاليوم
سمر : موت حره ما راح ارد عليك
ماجد : ليه انت شقاعده تسوين الحين هاه ...الله يخلف عليج يمه جبتي لنا حبشيه ولا بعد غبيه شلون اصرفها هاي
ماجد فقد الامل إنها تغسله وطلع المسكين برا للمغسله وهو هناك عند المغسله قابل وحده وعجبته حييل <<طبعا كبنت يكشخ فيها جدام ربعه
طبعا اخونا في الله ما راح يضيع الفرصه وبالفعل تبادلوا الارقام
طبعا منال هاي اللي مايعرفه ماجد إنها اكبر عنه بسنتين ويوم على يوم تعلق فيها ماجد وفي مره طلبت منه منال انهم يتقابلون
اهو ما وايد جرئ بس طلبها صدمه وايد بس هذا ما منعه انه يقابلها
طبعا ماجد ماكان عنده سياره بس اهو استلفها من رفيجه عماد وطلع معاها اهي على حسب معرفتي انها مو شينه اهي سمرا وكان شعرها طويل جسمها كان كله انوثه بارزه
طبعا انا ما اعرف تفاصيل المقابله عشان ما ازيد واالف
لكن اللي اعرفه انه الولد تعلق فيها بزياده بعد المقابله
وحبها من قلب حتى دراسته تاثرت واااايد

السلام عليكم
وهذا الشخصيه الرابعه
سعــــود
سعود يصير اخو سمر العود وعمره 31 سنه ومو متزوج خريج جامعه الامام قسم اقتصاد
متوظف ببنك وهو الحين مدير عمليات
بس الحين عمره 35 مدير قسم بشركه تامين
سعود نكووووت درجه اولى وراعي مقالب فظيع الله يعين اللي يطيح بواحد منها ومن ما يحب سعود بعطيه طراق على ويهه وماله بالبنات
مره برمضان دقت عليه وحده تستهبل
سعود: الو
البنت بغنج واضح : الو
سعود : هلا من معي
البنت :معك ميشو بنت ابوها
سعود: هلا اختي شلون اخدمج
البنت : والله مدري شقولك ....بس انا مشتهيه فلافل
سعود : والله كان بودي بس ما عندنا الا فول ...تبين؟؟
البنت : لا لا لا انا ابي فلافل عاد انت وضميرك
سعود : ضميري ....اممم امي دايم تقول عيب تكلم بنات ما يصير
البنت : يا حبيب الماما انقفل سعود الخط بويهها
وصارت تدق وتدق ازعاجهالبنيه
رد سعود عليها وقال : هي انتي ترى بعلم امي عليج
البنت :..................
سعود بصراخ : يمااااااه يماااااااه
طلت ام سعود <<العنود>>: سعيد البوش <<المينون معناها >>> شعندك
سعود :ههههههههههه يماه هاي وحده قليله ادب تقول تحبني وتبي تخطبني منج حاجيها
ام سعود ما صدقته وخذت الجوال
طوط طوط طوط طوط طوط
ام سعود : ياهل انا تقص علي صج انك ماتستحي على ويهك لكن الشرهه مو عليك الشره علي اللي رازه عمري عند واحد مايقدر
سعود : افا يالغاليه انا تقولين هالحجي
ام سعود :وانا تسوي فيني هالسوات
سعود: مزاااااااااح شفيج محد يمزح برمضان
راحت ام سعود عنه وهو رد يشوف التلفزيون


الشخصيه الخامسه
تركي
هم بعد يصير اخو سمر اللي اصغر من العود وعمره 30
ومتزوج فيافي
وعنده بنيه عمرها الحين 6 وعنده صبي عمره الحين 4
فاتن ونايف
ساكن بالشرقيه
تركي انسان طموح بمعنى الكلمه وحااااااروحقاني ويفرض احترامه على غيره وحنــــــــــــــــــون حييييل ودايم يشبهون سمر في طموحه في دراسته وكان له ماضي يشرف مع علاقاته ويا البنات بس خلاص من تزوج الريال عقل <<<فيه الخير والله
الحين اهو ببريطانيا يدرس الماجستير بيرد لاهله
بشهر 10 الله يرده لنا بالسلامه
واهو الحين عمره 34

فيافي انسانه هاااااديهوبارده عكس تركي وملتزمه
فيافي تصير لتركي لان امها وام تركي <<اللي هي ام سعود بنات خالات

اما
فاتن
ونايف
هم اللي معطين الدنيا طعم دايم فيافي وتركي يربون ويادبون في الشرقيه
ومن ييون للرياض يخربهم دلع يدهم ويدتهم وعمامهم
ودايم تركي يقول :دايم تمحقون تربيتنا يا يمه هم الحين غلطوا خل نعاقبهم
ام سعود: ما فيه اذا انت ببيتك سو اللي تبي
تركي : لنا الله الحين صرنا ما نسوى يمه
ام سعود : ما اغلى من الولد الا ولد الولد


الشخصيه السادسه
حمد
اخو الهنوف
ورفيج عبدالله اخو سمر وعمره الحين 28 سنه
ومحد محلل المراهقه ولا الدجه غيره اهو وعبدالله <<<الله يهديهم بس
بقولكم عن ماضيهم اللي يفتح النفس
مره هربوا من المدرسه لما كانو بالثنوي
وفيه استاذ من جماعتهم بنفس المدرسه دق على ابوسعود وابو حمد وخبرهم بانهم هاربين وطبعا كانو سارقين سياره عمهم محمد ابو سعود الكرسيدا زماااااااااااااااان وصدموا وعشان يفلتون من العقاب دخلو البيت وهم يترنحون
ومسوين تعبانين واغمى عليهم وكله خرااااط بخراط
وام سعود المسكينه من خوفها خذت ماي من الفريزر وصبته عليه سمر كانت وايد صغيره وكانت تلعب باتاري العايله <<<لعبه قديمه فيها رامبو وماريو والعاااب واايد
سمر تشوفه يضحك وماسك ضحكته : ماما وش فيه عبد الله يضحك
ام سعود : سمر شيضحك اخوج بيموت و
قاطعها ابو سعود :العنود خليه وطلعي برا
طبعا كل من حمد وعبدالله عينوا من الطراق ما قال الله وبارك على الهربه والسرقه والصدمه هههههههههه
الله يهديهم ويهدي شباب المسلمين
واليوم الثاني من القهر راحو عند سياره المدرس وخذوا مسامير وحكوا السياره وخربوها وهربوا
مسكيييييييييييييييييييييين ينرحم هالمدرس هههههههههههههههه
حمد مملوووووح بشكل فظيع هم بعد مغازلجي بس متطور يطلع ويسافر معاهم ماعنده ابد خطوط حمرا الله يسلمكم وللحين بعد
ومانطلع عبدالله من السالفه عبدالله متعرف على وحده مطلقه تحبه وميته عليه ودوووم يسافر معها على حسابها...والله فالينها حيل وماخذين راحتهم هاصبيان






قراء ممتعه ان شاء الله
الرجوع الى أعلى الصفحة اذهب الى الأسفل
dost
نجم المنتدى.
نجم المنتدى.
avatar

ذكر
المشاركات : 3771
العمر : 38
المزاج : عصبي
تاريخ التسجيل : 17/06/2009

مُساهمةموضوع: رد: رواية : بدون إسم   الجمعة سبتمبر 17, 2010 10:10 am

شكرا الك اختي انت رائعة
الرجوع الى أعلى الصفحة اذهب الى الأسفل
 
رواية : بدون إسم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة روشير للتنمية و الأعمال :: قسم الأبداعات الأدبية :: القصص القصيرة و الرويات-
انتقل الى: