أنــا والشــ ـعر ..

انه وي الشعر روح بفرد روح
جواب لحظرتك يلي سالتني

ماعليت نفسي بيوم عالناس
واصعد غيري بيديني على متني

مااريدن مدح لادورت صيت
ناس التفتهم هيه امدحتني

واظن نور الشمس ميحجبه غربيل
واتحداك اذا مره احجبتني

ولكن مالي نيه اتبارز وياك
القصائد عالتسامح علمتني

احجيلي القصيده التعجب الناس
واصيح الله اذا صوره عجبتني

ابنيلي بشعر فوك الورق بيت
افضل من حجي البيه طعنتني

اختار الشعر مو شهره واعلام
لون مابينهن وك خيرتني

وميمهني العذول شما حجه وكال
واتفاخر لون عاذل يذمني

شجره انه وغصنهه محمل اشعار
اكع ضربات عالشخص اليهزني